Bakıda keçirilən şahmat üzrə Dünya Kubokunun qalibi olan Aleksandra Qoryaçkina qalib turnirdəki çıxışına toxunub.
İdman.biz-in məlumatına görə, FİDE bayrağı altında yarışan Qoryaçkina yarışın onun üçün çətin keçdiyini etiraf edib.
"İnanılmaz dərəcədə çətin turnir idi, şadam ki, buna dözdüm və qalib gəldim. Şahmatda nokaut sistemi nadirdir, hər günün sonuncu ola biləcəyini başa düşmək çətindir", - Qoryaçkina Moskvada mətbuat konfransında bildirib.
O, əlavə edib ki, niyə reytinqin favoriti adlandırıldığını başa düşmür. "Favorit, hazırkı dünya çempionu idi. İki il əvvəl dünya çempionatında reytinq favoriti idim, amma bəxtim gətirmədi, alınmadı. Bu böyük təzyiqdir, çünki favoritlər adətən nokautlarda qalib gəlmir. Tay-brekdə heç bir məqsədim yox idi, sadəcə bacardığınız qədər oynayırsınız, sonrası isə şansa bağlıdır. Bu dəfə hər şey yoluna düşdü", - finalda bolqar Nurgül Səlimovaya qalib gələn Qoryaçkina deyib.
Nicat Zəkiyev
İdman.biz
