Gənc boksçularımız Macarıstanda 1 qızıl və 1 gümüş medal qazanıb - FOTO

Xəbərlər
18 May 2024 10:57
99
Gənc boksçularımız Macarıstanda 1 qızıl və 1 gümüş medal qazanıb - FOTO

Macarıstanda Eqer şəhərində gənc boksçular arasında keçirilən beynəlxalq turnirə yekun vurulub.

İdman.biz xəbər verir ki, Azərbaycan millisi yarışı 2 medalla başa vurub.

Baş məşqçi Elbrus Rzayevin komandasında Abbasqulu Şadlinski (71 kq) fəxri kürsünün ən yüksək pilləsinə qalxıb. O, finalda Arpad Jambora 4:1 (30:27, 30:27, 29:28, 29:28, 28:29) hesabı ilə qalib gələrək, qızıl medala sahib olub.

Tağı Nəsibov (60 kq) isə həlledici görüşdə özbəkistanlı Abdulaziz Jurakulovla üz-üzə gəlib. Görüş rəqibin 4:1 (28:29, 29:28, 30:27, 30:27, 29:28) hesablı qələbəsi ilə başa çatdığından boksçumuz gümüş medala yiyələnib.

İdman.biz

Məqalədə: