"Rəqiblərimiz sırasında İsveçi daha çətin hesab edirəm. Onlar FİFA reytinqində 26-cı yerdədirlər və bu göstərici ilə C divizionunun ən yaxşısıdırlar”.
İdman.biz xəbər verir ki, bunu Slovakiya millisinin baş məşqçisi Françesko Kalsona deyib.
Təcrübəli mütəxəssis Millətlər Liqasının püşkünü dəyərləndirib. 55 yaşlı italiyalı yığmamızı fərqləndirib: ”Azərbaycanla bağlı pis xatirələrimiz var. Slovakiya millisinin baş məşqçisi kimi Millətlər Liqasında ilk matçımda onlara məğlub olmuşduq. Estoniya, İsveç və Azərbaycan AVRO-2024-ün seçmə mərhələsində eyni qrupda yer alıblar. Bu səbəbdən də bir-birilərini yaxşı xatırlayırlar. Biz sona kimi mübarizə aparacağıq”.
Qeyd edək ki, bir gün atılan püşkə əsasən Azərbaycan, İsveç, Slovakiya və Estoniya C divizionunun 1-ci qrupunda mübarizə aparacaq.
Emin Ağa
İdman.biz