A Seriyasının lideri 28-ci turu qələbə ilə başa vurub.
İdman.biz xəbər verir ki, “İnter” səfərdə “Bolonya”ya qalib gəlib.
Görüşün taleyini bir qol həll edib. Yann Bissek 37-ci dəqiqədə qələbə topunun müəllifi olub. “İnter” bütün turnirlərdə ardıcıl 13-cü qələbəsini qazanıb. Simone İnzaginin yetirmələri sonuncu dəfə ötən il dekabrın 29-da uduzublar. “Bolonya”nın isə 6 oyunluq qələbə seriyası başa çatıb.
“İnter” 28 oyundan sonra 75 xal toplayıb. Milan klubu ən yaxın izləyicisi “Yuventus”u 18 xal qabaqlayır.
İtaliya A Seriyası
28-ci tur
“Kalyari” – “Salernitana” – 4:2
“Sassuolu” – “Frozinone” – 1:0
“Bolonya” – “İnter” – 0:1
İdman.biz