İspaniya La Liqasının 12-ci turunda “Sevilya” öz meydanında “Alaves”lə qarşılaşıb.
İdman.Biz xəbər verir ki, “Ramon Sançes Pisxuan” stadionunda keçirilən görüş 0:0 hesabı ilə başa çatıb.
Meydan sahibləri ilk hissədə hesabı açmaq üçün əla fürsət əldə etsələr də, bundan yararlana bilməyiblər. 32-ci dəqiqədə “Sevilya”nın yarımmüdafiəçisi Ruben Varqas penalti zərbəsini dəqiq yerinə yetirməyib.
Qalan dəqiqələrdə də tərəflər fərqlənə bilməyiblər və qarşılaşma qolsuz heç-heçə ilə yekunlaşıb.
Bu nəticədən sonra “Sevilya” 18 xalla turnir cədvəlində altıncı, “Alaves” isə 13 xalla doqquzuncu pillədə qərarlaşıb.
Növbəti turda, noyabrın 21-də “Sevilya” “Betis”lə qarşılaşacaq, “Alaves” isə öz meydanında “Deportivo”nu qəbul edəcək.
