İspaniyanın “Selta” futbol komandası La Liqanın doqquzuncu turunda “Alaves” üzərində 2:1 hesablı qələbə qazanıb.
İdman.Biz xəbər verir ki, Viqoda keçirilən qarşılaşmanın ilk hissəsində hesab açılmayıb.
Meydan sahibləri ikinci hissədə üstünlüyü ələ alıblar. 53-cü dəqiqədə Ferran Jutqla hesabı açıb. 71-ci dəqiqədə Xavi Rodriqes fərqi iki topa çatdırıb.
Qonaqlar 87-ci dəqiqədə Uqo Novoa ilə qollardan birinin əvəzini çıxıblar. Lakin qalan vaxtda hesab dəyişməyib.
Doqquzuncu turun digər oyununda “Osasuna” “Rasinq” (Santander) üzərində 2:0 hesablı qələbə qazanıb.
Doqquzuncu dəqiqədə Ante Budimir penaltini dəqiq yerinə yetirərək meydan sahiblərini önə keçirib.
Buraxılan qoldan sonra “Rasinq” hesabı bərabərləşdirməyə çalışsa da, fasiləyə qədər nəticə dəyişməyib.
İkinci hissədə də üstünlüyünü qoruyan “Osasuna” 88-ci dəqiqədə ikinci qolu vurub. Ehtiyatdan meydana daxil olan Asyer Osambela fərqlənərək yekun hesabı müəyyənləşdirib - 2:0.
Beləliklə, “Osasuna” beş oyunluq qələbəsiz seriyaya son qoyub. Xallarının sayını 11-ə çatdıran komanda turnir cədvəlində doqquzuncu pilləyə yüksəlib.
“Rasinq” isə səkkiz xalla təhlükəli zonanın bir xal yaxınlığında qalıb.
