İtaliyanın “Leççe” futbol komandası A Seriyasının yeddinci turunda “Udineze”ni səfərdə 3:0 hesabı ilə məğlub edib.
İdman.Biz xəbər verir ki, qonaqlar qarşılaşmanın ilk hissəsində iki dəfə fərqlənərək qələbənin əsasını qoyublar.
Matçın 11-ci dəqiqəsində Kialonda Qaspar hesabı açıb. 33-cü dəqiqədə isə Konan Ndri fərqi iki topa çatdırıb.
Fasilədən sonra “Udineze” oyunun gedişini dəyişməyə çalışsa da, rəqib qapısına yol tapa bilməyib.
86-cı dəqiqədə Camil Zibert üçüncü qolu vuraraq yekun hesabı müəyyənləşdirib - 0:3.
Beləliklə, “Leççe” səfərdə böyükhesablı qələbə qazanaraq qapısını toxunulmaz saxlayıb.
