“Milan” “Kalyari”nin yarımmüdafiəçisi Alessandro Romanonu heyətinə qatmaq istəyir.
İdman.Biz “Calciomercato”ya istinadən xəbər verir ki, baş məşqçi Ruben Amorim gənc futbolçunun sürətli inkişafından razıdır və klub onun transferi üçün fəal çalışır.
2006-cı il təvəllüdlü Romano cari mövsümə uğurlu başlayıb. O, A Seriyasındakı debütündə “Parma”ya qol vurub və “Kalyari”nin əsas heyətində möhkəmlənib. Futbolçunun çıxışı İtaliya millisinin də diqqətini çəkib və o, yığmaya ilk dəfə dəvət alıb.
Romanonun keçmiş klubu “Roma” isə futbolçunun yayda 6,5 milyon avroya (13 milyon manat) qədər olan paket qarşılığında satışından sonra peşmanlıq yaşayır. Klub maliyyə tələblərini qarşılamaq üçün bu transferə razı olub.
“Milan” Romanonu İtaliya – Belçika matçında izləmək üçün skautlarını da göndərib. “Yuventus”, “İnter” və bir neçə La Liqa klubu da gənc futbolçu ilə maraqlanır.
“Kalyari” prezidenti Tommazo Culini isə ciddi təklif gəlməyəcəyi halda Romanonu yanvarda satmaq niyyətində deyil.
Məlumata görə, futbolçunun bazar dəyəri qısa müddətdə təxminən 20-25 milyon avroya (40-50 milyon manat) yüksəlib. Beləliklə, Romano cəmi bir neçə ay ərzində transfer dəyərini təxminən beş dəfə artırıb.
