“İnter”in sabiq prezidenti Massimo Moratti 2012-ci ildə Lionel Messini “Barselona”dan transfer etməyə çalışdığını bildirib.
İdman.Biz “Sport.es”ə istinadən xəbər verir ki, Moratti argentinalı futbolçu üçün 500 milyon avro təklif etdiyini deyib.
“Mən Messiyə dəli bir təklif etdim – 500 milyon avro. O zaman bu məbləğ ağılsızlıq görünürdü. Mən vitse-prezidentimi danışıqlar üçün Barselonaya göndərdim. Lakin Messi hətta təklifi açmadı və onun təfərrüatlarını öyrənmədi. O, detalları bilmədən imtina etdi, çünki özünü bütün karyerası ərzində heç bir kluba satılmayacaq bir futbolçu hesab edirdi”, – deyə Moratti söyləyib.
Moratti daha sonra şəxsən Messi ilə əlaqə saxladığını da bildirib.
“O mənə dedi: “Mənimlə maraqlandığınız üçün təşəkkür edirəm, lakin mən karyeramı “Barselona”da başa vurmaq istəyirəm”. Mən vəziyyəti başa düşürdüm, lakin yenə də onu pulla ələ almağa cəhd etdim. Alınmadı”, – deyə “İnter”in sabiq prezidenti əlavə edib.
