“Qarabağ”ın sabiq futbolçusu Dani Bolt yeni komandasında ilk qol sevincini yaşayıb.
İdman.Biz xəbər verir ki, braziliyalı futbolçu Malayziya Futbol Assosiasiyası Kubokunun 1/16 final mərhələsində “Johor Darul Ta'zim”in heyətində “Damansara Yunayted”ə qarşı keçirilən görüşdə fərqlənib.
26 yaşlı cinah müdafiəçisi matça start heyətində başlayıb. O, qarşılaşmanın 29-cu dəqiqəsində rəqib qapısına yol taparaq komandasının ikinci qolunu vurub.
Görüş “Johor Darul Ta'zim”in 4:1 hesablı qələbəsi ilə yekunlaşıb.
Qeyd edək ki, Dani Bolt bu yay “Qarabağ”dan “Johor Darul Ta'zim”ə keçib. O, burada “Qarabağ”ın digər sabiq futbolçusu Kevin Medina ilə komanda yoldaşıdır.
