"Çelsi" argentinalı qapıçı Emiliano Martinesin "Aston Villa"dan transferini rəsmən açıqlayıb.
İdman.Biz xəbər verir ki, 33 yaşlı dünya çempionu London klubu ilə üçillik müqavilə imzalayıb.
KİV-in məlumatına görə, "Çelsi" bu transfer üçün 7,5 milyon funt sterlinq (təxminən 8,7 milyon avro) ödəyib.
Martines 2020-ci ilin sentyabrından "Aston Villa"da çıxış edib. O, Birmingem təmsilçisinin heyətində bütün turnirlərdə 256 oyun keçirib və bunların 80-də qapısını toxunulmaz saxlayıb.
Argentinalı qapıçı 2025/26 mövsümündə "Aston Villa" ilə Avropa Liqasının qalibi olub.
Martines həmçinin Argentina millisinin heyətində 2022-ci il dünya çempionatının qalibidir.
