Avropa Liqasının pley-off mərhələsinin - 2023/2024-ün seçmə mərhələsinin dörd cavab oyunu başa çatıb. Onlardan birində Kipr "Aris"i doğma meydanda Bratislavanın "Slovan" klubunu darmadağın edib – 6:2.
İdman.biz xəbər verir ki, fasiləyə qədər də limassollular rahat üstünlüklə önə çıxıblar - 3:1. İkinci hissədə də rəqiblər eyni hesabla oynayıblar (3:1). Yarımmüdafiəçi Yannik Qomis Aris üçün het-trik edib.
Moldova "Şerif"i doğma meydanda Farer "Kİ Klaksvik"i ilə qarşılaşıb – 2:1. Həlledici qolu 74-cü dəqiqədə müdafiəçi Armel Zohuri vurub.
Avropa Liqası. Pley-off mərhələsi. 2-ci matç
31 avqust 2023-cü il, cümə axşamı. 21:00
"Şerif" (Tiraspol, Moldova) - K.İ. Klaksvik (Klaksvik, Farer adaları) - 2:1
1:0 Luvannor - 16' 1:1 Kassi - 34' 2:1 Zohuri - 74'
"Sparta Praqa" doğma meydanda Zaqreb "Dinamo"sunu darmadağın edib - 4:1. Qarşıdurmada qələbə qolunu 87-ci dəqiqədə hücumçu Viktor Olatunji vurub.
Avropa Liqası. Pley-off mərhələsi. 2-ci matç
31 avqust 2023-cü il, cümə axşamı. 21:00
Sparta P (Praqa, Çexiya) - "Dinamo Z" (Zaqreb, Xorvatiya) - 4:1
1:0 Qaraslin - 2' 2:0 Sørensen - 24' 3:0 Panak - 67' 3:1 Baturina - 71' 4:1 Olatunji - 87'
Praqanın digər komandası - "Slaviya" səfərdə Ukraynanın "Zorya" klubuna uduzub - 1:2, lakin ümumi hesabda qrup mərhələsinə adlaya bilib.
Avropa Liqası. Pley-off mərhələsi. 2-ci matç
31 avqust 2023-cü il, cümə axşamı. 21:00
"Zorya" (Ukrayna) - "Slavia P" (Praqa, Çexiya) - 2:1
1:0 Alefirenko - 32' 2:0 Antyux - 41' 2:1 Yurasek - 83'
Beləliklə, "Aris", "Şerif", eləcə də Praqanın "Sparta" və "Slaviya" klubları Avropa Liqasının - 2023/2024-cü il mövsümünün qrup mərhələsinə yüksəlib.
İdman.biz
