Transferlər üzrə mütəxəssis Canluka Di Martsio Roberto Mançininin İtaliya milli komandasının yeni baş məşqçisi olacağını bildirib.
İdman.Biz xəbər verir ki, bir neçə italyan mənbəyi də bu fikirlə razıdır.
Mançininin 2030-cu ilə qədər ildə 2 milyon avro dəyərində müqavilə imzalayacağı iddiaları var.
“Onun milliyə qayıtması sadəcə bir formallıqdır, ona görə də Roberto bu keçidi etməli olacaq və açığı, o, əvvəllər də buna işarə etmişdi”, - Martsio bildirib.
Mançini 2018-ci ildən 2023-cü ilə qədər İtaliya milli komandasını çalışdırıb. Onun rəhbərliyi altında komanda AVRO-2021-in qalibi olub. Hazırda komandanın baş məşqçisi Silvio Baldinidir.
