UEFA Çempionlar Liqasının yarımfinalında “Arsenal”la “Atletiko Madrid” arasında cavab oyunu bitib.
İdman.Biz bildirir ki, oyun 1:0 hesabı ilə İngiltərə klubunun xeyrinə qurtarıb. İlk oyun heç-heçə (1:1) başa çatdığından "Arsenal" finala vəsiqə qazanıb. “Arsenal” bu mövsüm Çempionlar Liqasında bir dəfə də olsun məğlub olmayıb - 11 qələbə, üç heç-heçə.
London klubu indiyədək Çempionlar Liqasının finalında cəmi bir dəfə oynayıb. 2005/2006-cı illər mövsümünün finalında londonlular "Barselona"ya 1:2 hesabı ilə məğlub olublar.
“Arsenal”ın finaldakı rəqibi “Bavariya” - PSJ cütlüyünün qalibi olacaq.
Final mayın 30-da Budapeştdəki "Puşkaş Arena"da keçiriləcək.
23:45
“Arsenal” - “Atletiko Madrid” oyununda hesab açılıb.
45-ci dəqiqədə Bukayo Saka londonluları irəli çıxarıb.
23:00
UEFA Çempionlar Liqasının yarımfinal mərhələsinin cavab oyunları start götürüb.
İdman.Biz xəbər verir ki, bu mərhələnin ilk qarşılaşmasında “Arsenal” “Atletiko Madrid”i qəbul edir.
09:26
Bu gün UEFA Çempionlar Liqasının yarımfinal mərhələsinin cavab oyunları start götürəcək.
İdman.Biz xəbər verir ki, bu mərhələnin ilk qarşılaşmasında “Arsenal” “Atletiko Madrid”i qəbul edəcək.
Matça Bakı vaxtilə saat 23:00-da start veriləcək.
Qeyd edək ki, bu cüt arasında ilk oyun 1:1 hesablı heç-heçə ilə yekunlaşmışdı.
