“Roma” qış transfer pəncərəsi dövründə “Tottenhem Hotspur”un iki oyunçusu - rumıniyalı müdafiəçi Radu Draquşin və fransız hücumçu Matis Tel üçün icarə təklifləri göndərib.
İdman.Biz bu barədə “La Gazzetta dello Sport”a istinadən bildirir.
Mənbənin məlumatına görə, rumıniyalı artıq İtaliya klubuna keçməyə razılıq verib, lakin “Tottenhem” icarədən sonra məcburi satın alma bəndində israr edir. Bu arada, fransız futbolçu daha çox oynamaq istəyir və icarəyə götürməyə meyllidir.
23 yaşlı Draquşin bu mövsüm Premyer Liqada cəmi bir oyun keçirib və beş dəqiqə oynayıb. 20 yaşlı Tel Premyer Liqada 15 oyunda üç qol vurub və orta hesabla hər oyuna 35 dəqiqə sərf edib.
