Serbiyalı tennisçi, 24 qat “Böyük Dəbilqə” çempionu Novak Cokoviç DÇ-2026-nın potensial qalibinin adını açıqlayıb.
İdman.Biz-in məlumatına görə, o, Portuqaliya və Meksikanın finala çıxacağına və portuqaliyalıların titulu qazanacaqlarını düşünür.
“İddialı danışacağam: Portuqaliya. Onlar finalda Meksikanı məğlub edəcəklər”, - Cokoviç deyib.
DÇ-2026-nın qrup mərhələsinin püşkatması daha əvvəl keçirilib. Portuqaliya K qrupunda Özbəkistan, Kolumbiya və A yolunda pley-offun qalibi - Yeni Kaledoniya, Yamayka və ya Konqo Demokratik Respublikası ilə qarşılaşacaq.
Ev sahibi kimi Meksika A qrupunda yer alıb və Cənubi Afrika, Cənubi Koreya və D yolunun qalibi - Çexiya, İrlandiya, Danimarka və ya Şimali Makedoniya ilə qarşılaşacaq.
