“Arsenal”ın baş məşqçisi Mikel Artetanın oğlu Qabriel Arteta Bernal klubun U17 komandasının heyətində meydana çıxıb.
İdman.biz-in “Arsenal Youth”a istinadən verdiyi məlumata görə, gənc futbolçu Premyer Liqa Kubokunda “Uotford”la matçda iştirak edib.
Qabriel sağ cinah yarımmüdafiəçisi kimi oynayır və əvvəllər “Arsenal”ın akademiyasında məşq edib. Onun London klubu ilə peşəkar müqavilə bağlamağı planlaşdırıb-bağlamadığı hələlik məlum deyil.
Mikel Artetanın 2019-cu ildən baş məşqçisi olduğu “Arsenal”ın əsas komandası altı oyundan sonra 16 xalla İngiltərə Premyer Liqasına başçılıq edir.
