DÇ-2026-nın qrup mərhələsində H qrupunun ikinci turuna yekun vurulub.
İdman.Biz xəbər verir ki, Uruqvay və Kabo-Verde yığmaları Mayamidə, “Hard Rok” stadionunda üz-üzə gəliblər. Norveçli baş hakim Espen Eskosun idarə etdiyi qarşılaşma 2:2 hesabı ilə başa çatıb.
Hesabı 21-ci dəqiqədə “Krasnodar”ın yarımmüdafiəçisi Kevin Lenini açıb. Kabo-Verde millisinin futbolçusu komandasını önə keçirib. Uruqvay 44-cü dəqiqədə Maksimiliano Arauxonun qolu ilə tarazlığı bərpa edib. İlk hissəyə əlavə olunmuş altıncı dəqiqədə Aqustin Kanobbio Cənubi Amerika təmsilçisini hesabda irəli çıxarıb.
Kabo-Verde ikinci hissədə məğlubiyyətdən xilas olmağı bacarıb. 61-ci dəqiqədə Helio Varela fərqlənərək matçın yekun nəticəsini müəyyənləşdirib - 2:2.
Uruqvay ilk turda Səudiyyə Ərəbistanı ilə 1:1 hesablı heç-heçə edib. Kabo-Verde isə turnirin ilk oyununda İspaniyadan xal alaraq 0:0-lıq nəticəyə imza atıb.
H qrupunda son turun oyunları 27 iyunda keçiriləcək. Uruqvay İspaniya ilə, Kabo-Verde isə Səudiyyə Ərəbistanı ilə qarşılaşacaq.
03:37
Futbol üzrə dünya çempionatının Uruqvay - Kabo Verde oyununda dödüncü qol vurulub.
Kabo Verde hesabı bərabərləşdirir. 61-ci dəqiqədə Helio Varela komandasının ikinci qolunu vurub.
02:52
Birinci hissəyə əlavə edilmiş vaxtda - 45+6-cı dəqiqədə Aqustin Kanobbio Uruqvayı hesabda önə çıxarır - 2:1.
02:46
Uruqvayın heyətindən Maksimiliano Arauxo 44-cü dəqiqədə hesaba tarazlıq gətirir - 1:1.
02:36
Futbol üzrə dünya çempionatının Uruqvay - Kabo Verde oyununda hesab açılıb.
İdman.Biz xəbər verir ki, Mayami stadionunda keçirilən H qrupunun ikinci turunun matçında Kabo Verde 21-ci dəqiqədə Kevin Pinanın dəqiq zərbəsi ilə hesabda irəli çıxıb.
01:22
DÇ-2026-nın qrup mərhələsində Uruqvay və Kabo Verde yığmaları üz-üzə gələcək.
İdman.Biz xəbər verir ki, H qrupunun ikinci tur matçı ABŞ-nin Mayami şəhərindəki “Hard Rok” stadionunda keçiriləcək. Qarşılaşmanın baş hakimi norveçli Espen Eskos olacaq. Oyun Bakı vaxtı ilə 02:00-da başlayacaq.
Komandaların start heyətləri də açıqlanıb.
Uruqvay: Muslera, Varela, Kaseres, Olivera, Sanabriya, Arauxo Vilçes, Valverde, Bentankur, Uqarte, Kanobbio, Vinyas.
Kabo Verde: Vozinya, Moreyra, Lopes, Borjeş, Kabral, Mendeş, Lenini, Arkanju, Rodriqeş, Monteyru, Benşimol.
Qeyd edək ki, Uruqvay ilk turda Səudiyyə Ərəbistanı ilə 1:1 hesablı heç-heçə edib. Kabo Verde isə mundialdakı debüt oyununda İspaniyadan xal alaraq 0:0 hesablı nəticə ilə diqqət çəkib.
H qrupunun üçüncü turunda Uruqvay İspaniya, Kabo Verde isə Səudiyyə Ərəbistanı ilə qarşılaşacaq. Hər iki oyun 27 iyunda keçiriləcək.
