Qətərin paytaxtı Dohada ağırlıqqaldırma üzrə Qran-pri davam edir.
İdman.biz xəbər verir ki, Azərbaycan millisinin heyətində kişi atletlərimizdən ilk olaraq körpücük üzərinə Ömər Cavadov (73 kq) çıxıb.
B qrupunda çıxış edən idmançı iki hərəkətin cəmində 312 kq (146+166) nəticə göstərib. O, bu göstərici ilə 10-cu yeri tutub.
Qran-pridə mübarizəyə qoşulan yeganə qadın atletimiz Nazilə İsmayılova (49 kq) isə yekunda 19-cu olub.
Dekabrın 12-də Əli Şükürlü, ertəsi gün isə komandamızın lideri Dadaş Dadaşbəyli medallar uğrunda çıxış edəcək.
Qeyd edək ki, Paris-2024 Yay Olimpiya Oyunlarına lisenziya xarakterli turnirdə 70-dən çox ölkədən 382 (176 qadın, 206 kişi) atlet iştirak edir.
Emin Ağa
İdman.biz
