Avropa Voleybol Konfederasiyası Azərbaycan Voleybol Federasiyasının baş koordinatoru Zöhrab Gözəlbəyliyə növbəti dəfə etimad göstərib.
İdman.biz xəbər verir ki, o, kişi voleybolçular arasında CEV kubokunun 1/16 finalının cavab qarşılaşmasına supervayzer təyin edilib.
Gözəlbəyli noyabrın 30-da İzmirdə keçiriləcək “Arkas” (Türkiyə) - “Neftohimik” (Bolqarıstan) klublarının oyununda hakimlərin işinə qiymət verəcək.
Görüşün referiləri ingiltərəli Dominik Biegajlo və çexiyalı Roman Marsçner olacaq.
Qeyd edək ki, komandalar arasında baş tutan ilk matçda Türkiyə təmsilçisi 3:0 hesabı ilə qalib gəlib.
İdman.biz
