Ayan Məmmədova “Murov Az Terminal” voleybol klubunun heyətinə qoşulub.
İdman.Biz xəbər verir ki, bu barədə klubun mətbuat xidməti məlumat yayıb.
17 yaşlı libero ilə 2026/2027 mövsümünü əhatə edəcək müqavilə imzalanıb.
Qeyd edək ki, Ayan Məmmədova 26 fevral 2009-cu ildə Şirvanda anadan olub. 17 yaşlı voleybolçunun boyu 174 sm-dir. O, daha əvvəl Azərbaycan U-18 yığmasına cəlb olunub. Məmmədova 2025-ci ilin noyabrında Gürcüstanın Telavi şəhərində keçirilən Şərqi Avropa Zonası Voleybol Assosiasiyasının (EEVZA) çempionatında Azərbaycan millisinin heyətində yer alıb. Sözügedən turnir eyni zamanda 2026-cı il Avropa çempionatının U-18 qızlar arasında seçmə mərhələsi olub.
