Azərbaycanda yeni qadın voleybol klubu yaradılıb.
İdman.Biz-in məlumatına görə, komanda “Azərmaş Abşeron” adlanacaq və fəaliyyətini dayandıran “Abşeron”un yerini tutacaq.
Azərbaycan millisinin sabiq rəhbəri, komandanın baş məşqçisi Eldar Yusubov İdman.Biz-ə açıqlamasında xəbəri təsdiqləyib. Klubun prezidenti “Azərmaş”ın rəhbəri Emin Axundovdur.
Hazırda heyətin formalaşdırılması istiqamətində seleksiya işləri aparılır. Komanda ev oyunlarını GİN Voleybol Mərkəzində keçirəcək.
Qeyd edək ki, 21 yanvar 2025-ci ildə AFFA ilə “Azərmaş” arasında əməkdaşlıq müqaviləsi imzalanıb.
