Beynəlxalq dərəcəli azərbaycanlı hakimlər Avropa Voleybol Konfederasiyası (CEV) tərəfindən təyinat alıblar.
İdman.biz xəbər verir ki, Zaur Hacıyev Çağırış kubokunun 1/4 final mərhələsinin matçını idarə edəcək.
O, qadın voleybolçulardan ibarət Türkiyənin “Nilüfer Belediye Bursa” və Rumıniyanın “C.S.M. LUGOJ” klublarının qarşılaşmasında ikinci hakim olacaq.
Fuad Ağayev isə CEV kubokunda pley-off mərhələsində iş başında olacaq. O, kişi voleybolçulardan ibarət Türkiyənin “Fənərbaxça” və Ukraynanın “Prometey” komandalarının cavab matçında ikinci hakim funksiyasını yerinə yetirəcək.
Hər iki oyun bu gün baş tutacaq.
İdman.biz
