Kişi voleybolçular arasında Azərbaycan Yüksək Liqasında V turun oyunları keçirilib.
İdman.Biz xəbər verir ki, Azərbaycan Voleybol Federasiyasının idman zalında baş tutan matçda “Neftçi” “Azərreyl”ə 3:1 hesabı ilə qalib gəlib.
“Abşeron” Olimpiya İdman Kompleksində isə “Ordu” “Gənclər” kollektivini həmin hesabla məğlub edib.
“Xilasedici” – “Murov Az Terminal” görüşü də eyni hesabla birincilərin xeyrinə başa çatıb.
Sonuncu qarşılaşma Fövqəladə Hallar Nazirliyinin idman zalında reallaşıb.
Qadın voleybolçular arasında Azərbaycan Yüksək Liqasında V tura start verilib.
İlk oyun günündə bir qarşılaşma keçirilib.
“DH Volley” və “Gənclər” kollektivlərinin duelində birincilər 3:0 hesablı qələbə qazanıblar.
Oyun Azərbaycan Voleybol Federasiyasının idman zalında baş tutub.
09:58
Bu gün qadın və kişi voleybolçular arasında Azərbaycan Yüksək Liqasında V tur start götürəcək.
İdman.Biz xəbər verir ki, turun ilk oyun günündə dörd qarşılaşma baş tutacaq.
Kişilərin yarışında əvvəlcə “Azərreyl” “Nefçi” ilə üz-üzə gələcək. Qarşılaşma Azərbaycan Voleybol Federasiyasının idman zalında, saat 16:00-da başlayacaq.
Saat 17:00-da “Xilasedici” “Murov Az Terminal”la görüşəcək. Bu oyun Fövqəladə Hallar Nazirliyinin idman zalında baş tutacaq.
“Abşeron” Olimpiya İdman Kompleksində isə “Gənclər” “Ordu” ilə münasibətlərə aydınlıq gətirəcək. Bu görüş də saat 17:00-da start götürəcək.
Qadınların mübarizəsində isə bir oyun keçiriləcək. “DH Volley” “Gənclər”lə üz-üzə gələcək. Oyun Azərbaycan Voleybol Federasiyasının idman zalında, saat 18:00-da başlayacaq.
