İdman.Biz xəbər verir ki, +100 kq çəki dərəcəsində Camal Qamzatxanov bürünc medal uğrunda görüşdə İrakli Demetraşviliyə (Gürcüstan) məğlub olaraq yarışı 5-ci sırada başa vurub.
18:58
İdman.Biz xəbər verir ki, Birləşmiş Ərəb Əmirliyinin paytaxtı Əbu-Dabidə keçirilən Böyük Dəbilqə turnirində Uşanqi Kokauri +100 kq çəki dərəcəsində bürünc medal qazanıb. Cüdoçumuz üçüncü yer uğrunda görüşdə Niderland idmançısı Yur Spaykersi ipponla məğlub edib.
14:56
İdman.Biz xəbər verir ki, Əbu-Dabidə keçirilən cüdo üzrə “Böyük Dəbilqə” turnirində son yarış gününün final blokunda 2 cüdoçumuz - +100 kq çəki dərəcəsində Uşanqi Kokauri və Camal Qamzatxanov bürünc medal görüşünə çıxacaq. Həlledici qarşılaşmalar 17:00-dan etibarən start götürəcək.
14:40
İdman.Biz-in Əbu-Dabiyə ezam olunmuş əməkdaşı xəbər verir ki, Murad Fətiyev zədə səbəbilə yarışdan çəkilib. Həkim tərəfindən yarışdan kənarlaşıdırlan cüdoçumuzun adının əks olunduğu tabloda onun adının üzərindən xətt çəkilib.
14:10
İdman.Biz-in Əbu-Dabiyə ezam olunmuş əməkdaşı xəbər verir ki, -90 kq dərəcəsində çıxış edən cüdoçumuz Murad Fətiyev Olimpiya mükafatçısı Teodoros Tselides (Yunanıstan) üzərində əzmkar qələbə qazanaraq yarımfinala yüksəlib. Fətiyevin final yolunda son rəqibi moldovalı Mixail Latişev olacaq.
14:05
İdman.Biz xəbər verir ki, Uşanqi Kokauri və Camal Qamzatxanov təsəlliverici görüşlərdə qələbə qazanaraq bürünc medal qarşılaşmalarına vəsiqə qazanıblar.
13:25
İdman.Biz xəbər verir ki, Murad Fətiyev almaniyalı Lasse Şriveri 3 yuko xalı ilə üstələyərək adını növbəti mərhələyə yazdırıb. Murad 1/4 finalda Teodoros Tselideslə (Yunanıstan) qarşılaşacaq.
12:45
İdman.Biz xəbər verir ki, -90 kq çəki dərəcəsində çıxış edən Aslan Kotsoyev Qazaxıstan idmançısı Yermaxan Anuarbekova məğlub olaraq mübarizəni dayandırıb.
12:13
Əbu-Dabidə keçirilən cüdo üzrə “Böyük Dəbilqə” turnirində -90 kq çəki dərəcəsində çıxış edən Azərbaycan idmançı Murad Fətiyev ilk görüşdən qalib ayrılıb. Cüdoçumuz belaruslu Alyaksandr Sidoriki yuko xalı ilə məğlub edib.
12:05
İdman.Biz xəbər verir ki, +100 kq çəki dərəcəsində çıxış edən Camal Qamzatxanov yarışa Bəhreyn idmançısı Azamat Çotçayev üzərində qələbə ilə başlayıb. Camalın 1/4 finalda rəqibi Tamerlan Başayev (Rusiya) olacaq.
12:00
Birləşmiş Ərəb Əmirliklərinin paytaxtı Əbu-Dabidə keçirilən cüdo üzrə “Böyük Dəbilqə” turnirində Azərbaycan idmançıları qarşılaşmalara başlayıblar.
İdman.Biz xəbər verir ki, +100 kq çəki dərəcəsində çıxış edən Uşanqi Kokauri ilk görüşdə xorvatiyalı rəqibi Mikita Sviridi vaza-ari xalı ilə üstələyərək 1/4 finala vəsiqə qazanıb.
Təmsilçimiz bu mərhələdə İrakli Demetraşvili (Gürcüstan) ilə üz-üzə gələcək.
Qeyd edək ki, bu gün 1/16 finalda -90 kq çəki dərəcəsində idmançılarımız Murad Fətiyev və Aslan Kotsoyev müvafiq olaraq Alyaksandr Sidorik və Yermaxan Anuarbekovla qarşılaşacaqlar.
