20 yaşadək voleybolçu oğlanlardan ibarət Azərbaycan millisi Şərqi Avropa Voleybol Zonal Assosiasiyasının (EEVZA) çempionatında növbəti oyununu keçirib.
İdman.biz xəbər verir ki, Səbuhi Əliyevin baş məşqçisi olduğu komanda Polşanın Qojuv-Velkopolski şəhərində keçirilən matçda Ukrayna ilə qüvvəsini sınayıb.
Voleybolçularımız yenə də set qazanmadan məğlub olublar - 0:3 (23:25, 9:25, 17:25).
İlk turda Estoniyaya da “quru hesabla” uduzan milli sabah Latviya ilə üz-üzə gələcək. Yanvarın 14-də isə rəqib ev sahibləri olacaq.
Qeyd edək ki, yarış AVRO-2024-ə seçmə xarakter daşıyır. Reqlamentə əsasən, çempion qitə birinciliyinin final mərhələsinə vəsiqə əldə edəcək.
İdman.biz
