Türkiyənin "Ankara Karayolları" klubu ilə müqavilə imzalayan Azərbaycan millisinin voleybolçusu Polina Rəhimova "Vakıfbank"la oyunda debüt edə bilər.
İdman.biz xəbər verir ki, ölkə çempionatının 14-cü turu çərçivəsində Ankara təmsilçisi yanvarın 5-də öz meydanında istanbulluları qəbul edəcək.
Polinanın üz-üzə gələcəyi gözlənilən rəqib təkcə Türkiyədə deyil, həmçinin Avropa və dünya voleybolunda top-komanda hesab edilir.
Qeyd edək ki, "Ankara Karayolları" Rəhimovnın karyerasında dördüncü türk klubudur. Yeni transferə qədər voleybolçumuz “Küzeyboru”, “Türk Hava Yolları” və “Fənərbaxça”da çıxış edib.
Zəki Feyzullayev
İdman.biz
