Pirallahı adasında “IronWinD” seriyasından Cənubi Qafqazda növbəti, ən uzun triatlon yarışının - klassik “yarı” IronWind 113 – beynəlxalq yarışına start verilib.
İdman.biz xəbər verir ki, turnirdə Azərbaycanla yanaşı, Qazaxıstan, Özbəkistan, Rusiya, Belarusiya, Böyük Britaniya , BƏƏ, Ukrayna, İrlandiya və Gürcüstandan ümumilikdə 200 idmançı iştirak edir.
Həm fərdi, həm də estafet formatında baş tutan yarışda üzgüçülük - 1,9 km, velosiped - 90 km və qaçış mərhələsi - 21,1 km nəzərdə tutulub.
Qeyd edək ki, turnir Gənclər və İdman Nazirliyinin, Triterra Baku Triathlon Club-un və Bakı Şəhər Halqası Əməliyyat Şirkətinin təşkilatçılığı ilə keçirilir.
Aytac Sahəd
İdman.biz