Bir ildir İngiltərənin Mançester şəhərində keçirilən dünya çempionatına hazırlaşırdıq.
İdman.biz xəbər verir ki, bunu Azərbaycanın paraüzgüçüsü Vəli İsrafilov idmançıları qarşılama mərasimində qeyd edib.
İdmançı onlardan gözlənilən nəticəni qazandıqlarını qeyd edib: "Biz Paris-2024 XVII Yay Paralimpiya Oyunlarına lisenziya qazandıq. Ümidvaram ki, bu qalibiyyəti Parisdə də davam etdirəcəyik".
Vəli İsrafilov bildirib ki, ölkədə üzgüçülər üçün yaradılan şərait ən yüksək səviyyədədir: "Su İdman Sarayında məşqlərimizi keçirik. Sağ olsun Prezident İlham Əliyev. Elə şərait yaradılıb ki, bizim hovuz Avropanın ən yaxşı beş hovuzundan biridir".
İdman.biz
