Beynəlxalq Atıcılıq İdmanı Federasiyası yeni reytinq cədvəlini açıqlayıb.
İdman.biz xəbər verir ki, siyahıda liderlər qrupunda Azərbaycan millisinin idmançısı da yer alıb.
Yığmamızın lideri Ruslan Lunyov 25 m məsafəyə atəşaçmada 8-ci yerdədir. Paris-2024 Yay Olimpiya Oyunlarına lisenziyanı təmin edən snayperin hesabında 2550 xalı var. O, son siyahı ilə müqayisədə 1 pillə geriləyib.
Lunyov 10 m məsafədən hədəfi dəqiq nişanalmada isə 3078 xalla 17 pillədədir. Bu siyahıda da Ruslan 2 rəqibini özündən irəli buraxıb.
İdman.biz
