Misirin paytaxtı Qahirədə atıcılıq üzrə Dünya kuboku keçirilib.
İdman.biz xəbər verir ki, yarışda Azərbaycanı Nigar Nəsirova və Ruslan Lunyov təmsil edib.
Lunyov 10 m məsafədən pnevmatik tapançada 578 xalla 12-ci yeri tutsa da, 25 m-də tapança ilə sürətli atəşaçmada çıxışını başa çatdıra bilməyib.
Nəsirova isə 10 m məsafədə 21-ci, 25 m-də 35-ci (hər ikisində 571 xal) olub.
10 m pnevmatik tapança ilə qarışıq komanda yarışında isə Lunyov və Nigar 572 xalla 12-ci pillədə qərarlaşıb.
Banuçiçək Hüseynli
İdman.biz
