"Mənə dəstək olanlara minnətdarlığımı bildirirəm. 4 qat dünya çempionu olmaq mənim üçün qürurverici bir hissdir.
İdman.biz xəbər verir ki, bunu Azərbaycan paraatleti Lamiyə Vəliyeva deyib.
Yaponiyanın Kobe şəhərində keçirilən dünya çempionatında 100 m və 400 m məsafəyə qaçışda çempion ola təmsilçimiz Azərbaycan Paralimpiya Komitəsinin mətbuat xidmətinə açıqlama verib: “Dünya çempionatına çox güclü hazırlaşmışdım. Bu, son deyil. Parisdəki Paralimpiya Oyunlarına daha güclü hazırlaşacağam. Orada da Vətənimi layiqincə təmsil edəcəyəm".
Qeyd edək ki, Vəliyeva ümumilikdə dördqat dünya çempionudur.
İdman.biz
