Azərbaycan "BRICS Sports Games Kazan 2024"ü 34 medalla başa vurub - FOTO

Xəbərlər
22 İyun 2024 23:10
168
Azərbaycan "BRICS Sports Games Kazan 2024"ü 34 medalla başa vurub - FOTO

Tatarıstanın paytaxtı Kazan şəhərində "BRICS Sports Games Kazan 2024" beynəlxalq multi-idman oyunlarına yekun vurulub.

İdman.biz xəbər verir ki, idmançılarımız yarışları 34 medalla başa vurublar.

Qazanılan medallardan 4-ü qızıl, 9-u gümüş, 21-i isə bürünc olub. Azərbaycan oyunlarda medal qazanan 32 ölkə arasında 7-ci yeri tutub.

Oyunların son günündə boksçularımızdan Seyid Seyidov (86 kq) gümüş, Nəbi İsgəndərov (67 kq), Mirşərif Kazımzadə (75 kq), Tural Sarıyev (48 kq) və Vətən Hüseynli (92 kq) bürünc medala layiq görülüblər.

Qılıncoynatmanın sablya növü üzrə oğlanlardan ibarət Azərbaycan komandası gümüş medal qazanıb. Şpaqa üzrə qızlardan ibarət komandamız bürünc medala layiq görülüb.

Cüdoçularımız Musa Huseynli (90 kq) və Camal Feyziyev (+100 kq) bürünc medala sahib olublar.

İdman.biz