“Xiaomi” Azərbaycanda dörd modeldən ibarət “REDMI Note 17 Series” smartfonlarını təqdim edib.
Yeni xəttin əsas modeli ilk “REDMI Note 17 Pro Max 5G”dir. Seriya yüksək tutumlu batareyaları, sürətli şarjı, gücləndirilmiş qorunmanı və flaqman səviyyəli imkanları birləşdirir. Təqdimatla REDMI-nin dünya üzrə tədarük etdiyi cihazların sayı 500 milyonu keçib.
Uzunömürlü batareya və etibarlı qorunma
Bütün modellər silikon-karbon texnologiyalı “REDMI Titan Battery System” ilə təchiz olunub. “REDMI Note 17 Pro Max 5G” 10 000 mAh-a qədər batareya, 100W “HyperCharge” və 27W əks şarj təqdim edir. “REDMI Note 17 Pro 5G”də 8 340 mAh batareya və 67W şarj, “REDMI Note 17 5G” və “REDMI Note 17”də isə 7 700 mAh batareya və 45W şarj dəstəyi var. Batareyalar 1 600 şarj dövründən sonra tutumun ən azı 80%-ni qoruyur.
Pro modelləri 5 ulduzlu “TÜV SÜD Titan Quality” sertifikatı alıb. IP66, IP68, IP69 və IP69K qorunması, Corning® Gorilla® Glass Victus® 2 və “REDMI Titan Structure” konstruksiyası cihazları gündəlik təsirlərdən qorumağa kömək edir. Modellər 2 metr dərinlikdə 72 saat suya batırılma və 3 metr hündürlükdən qranit səthə düşmə sınaqlarından keçirilib.
Ekran performans və kamera
“REDMI Note 17 Pro Max 5G” və “REDMI Note 17 Pro 5G” 6,83 düymlük 1.5K ekran, 3 500 nit-ə qədər pik parlaqlıq və 3 200 Hz-ə qədər ani toxunma seçmə tezliyi təklif edir. Pro Max modeli Snapdragon® 6 Gen 5 platformasında çalışır. Hər iki Pro modeli 24 GB-a qədər operativ yaddaşı dəstəkləyir.
Bütün seriyada iki kamera ilə eyni anda çəkiliş funksiyası mövcuddur. “REDMI Note 17 Pro Max 5G” 4K 30 fps video çəkilişini, Pro modelləri isə “Professional Video” və “Live Moment” funksiyalarını dəstəkləyir. Seriya 6 ilə qədər təhlükəsizlik yeniləmələri təklif edir.
Yenilənmiş dizayn düz ekranı, yumşaq yuvarlaqlaşdırılmış kənarları və iki teksturalı arxa paneli bir araya
gətirir. “REDMI Note 17 Pro Max 5G” üçün “Cloud Blush”, “REDMI Note 17 Pro 5G” üçün isə “Satin Orange” və “Sky Blue” rəngləri təqdim olunur. Güclü audio sistemi aydın səs təqdim edir.
Qiymət və satış
“REDMI Note 17 Pro Max 5G” — 1 149,99 AZN-dən
“REDMI Note 17 Pro 5G” — 799,99 AZN-dən
“REDMI Note 17 5G” — 689,99 AZN-dən
“REDMI Note 17” — 549,99 AZN-dən
Smartfonlar “Kontakt”, “İrşad”, “Baku Electronics”, “Birmarket” və “Soliton” mağazalarında satışa çıxarılır. 11–30 sentyabr 2026-cı il tarixlərində alıcılar 200 AZN-dək xüsusi üstünlük, 2 il zəmanət və ilk 6 ay ərzində bir dəfə pulsuz ekran dəyişdirilməsi əldə edəcəklər. 3 illik batareya zəmanəti təklifi 15 noyabr 2026-cı ilədək keçərlidir.
