Azərbaycan futbol millisinin müdafiəçisi Zamiq Əliyevin çıxış etdiyi “Eqnatiya” komandası Albaniya çempionatının yeddinci turunda qələbə qazanıb.
İdman.Biz xəbər verir ki, komanda doğma meydanda “Vlajniya”nı 3:1 hesabı ilə məğlub edib.
Meydan sahiblərinin heyətində Alessandro Albanese doqquzuncu, Daniel Adyessa 41-ci, İldi Qruda isə 86-cı dəqiqədə fərqləniblər.
Qonaqların yeganə qolunu 59-cu dəqiqədə Daniel Peres vurub.
Zamiq Əliyev qarşılaşmanın iştirak ərizəsinə daxil edilsə də, ehtiyat oyunçular skamyasında qalıb və meydana çıxmayıb.
Bu qələbədən sonra xallarının sayını 18-ə çatdıran “Eqnatiya” turnir cədvəlinin ikinci pilləsində qərarlaşıb.
