“Son bir ayda hazırlaşdığımız ABŞ-dan artıq 5 gündür qayıtmışıq. Bütün yüksək səviyyəli idmançılar və məşqçilər orada olduğu üçün proses yaxşı keçdi”.
Bunu idman.biz saytına müsahibəsində Yaponiyanın “Rizin” təşkilatının yüngül çəki dərəcəsində çempion titulunun sahibi Vüqar Kərəmov deyib.
O, noyabrın 4-də Bakıda Milli Gimnastika Arenasında keçiriləcək “Landmark 7” turniri ilə bağlı fikirlərini açıqlayıb. Kərəmov titulunu yapon rəqibi Çihiro Suzuki ilə döyüşdə qorumalı olacaq. O özünün və komanda yoldaşlarının turnirə tam hazır olduğunu deyib: “Düşünürəm ki, komandamız yaxşı hazırlaşıb, ən başlıcası zədəli olmamaqdır. İndi yalnız özünüzü turnirə hazırlamaq qalır. Bir həftə əvvəl artıq pəhriz saxlayırdıq və eyni zamanda gündə iki məşq edirik”.
Vüqar ABŞ-da komandanın məşq etdiyi idman zalından da danışıb: “Ştatlarda iki aparıcı salon var: yerləşdiyimiz Mayamidə “American Top Teem” və “Kill Kliff”. Bütün aparıcı idmançılar həmin vaxt orada məşq edir, yarışlarına hazırlaşırdılar. Bu mənada bəxtimiz gətirdi ki, onlarla yaxşı təlim-məşq toplanışı keçirdik”.
Kərəmov əlavə edib ki, Azərbaycanda “Rizin” tədbiri həm azarkeşlər, həm də hazırlığın son mərhələsinə qədəm qoyan bütün komanda üçün böyük hadisədir: “Bu, Azərbaycanda MMA-nın inkişafı üçün böyük üstəgəldir”.
Qeyd edək ki, “Landmark 7” turniri noyabrın 4-də keçiriləcək.
Zəki Feyzullayev
İdman.biz
