Karate Federasiyasının “Kyokuşin (KAI) Senşi Karate” üslubu üzrə milli komandası Bolqarıstanın Varna şəhərində keçirilən beynəlxalq Kyokuşin karate tədbirlərində iştirak edir.
İdman.Biz xəbər verir ki, iyulun 7-dən 11-dək davam edən yarışlar çərçivəsində Azərbaycan nümayəndələri də uğura imza atıblar.
Belə ki, Karate Federasiyasının baş katibi, eyni zamanda üslub üzrə nümayəndə Qabil Sayadov, eləcə də məşqçi-müəllimlər Rza Mustafayev və Vüsal Məmmədov Dünya Kyokuşin Birliyi tərəfindən beynəlxalq hakimlik sertifikatları ilə təltif olunublar.
