Azərbaycan paracüdoçusu, ikiqat Paralimpiya çempionu İlham Zəkiyev Astana Qran-prisində mübarizə aparacaq.
İdman.Biz xəbər verir ki, təcrübəli idmançı Qazaxıstanın paytaxtı Astanada keçirilən yarışda J1 kateqoriyasında, +95 kq çəki dərəcəsində qüvvəsini sınayacaq.
IBSA-nın rəsmi təqviminə əsasən, Astana Qran-prisi 14 may tarixində yekunlaşacaq.
İlham Zəkiyev Azərbaycan paracüdosunun ən titullu nümayəndələrindən biridir. Doqquzqat Avropa çempionu olan paralimpiyaçımız daha əvvəl dəfələrlə beynəlxalq arenalarda ölkəmizin bayrağını zirvəyə qaldırıb.
