Yeniyetmə cüdoçulardan ibarət yığmamız dünya çempionatının komanda yarışlarında uğurlu çıxışı ilə yadda qalıb.
İdman.biz saytının məlumatına görə, təmsilçilərimiz turnirin gümüş medallarını qazanıblar.
Zaqrebdə keçirilən turnirin finalında millimiz Fransa komandası ilə qarşılaşıb. Görüş fransalı cüdoçuların 4:1 hesablı qələbəsi ilə başa çatıb. Türkiyə və Yaponiya yığmaları isə dünya çempionatnın bürünc medalına layiq görülüblər.
Qeyd edək ki, Azərbaycan cüdoçuları ilk görüşdə Yunanıstana 4:1 hesablı qalib gəliblər. Komandamız 1/4 finalda qazaxıstanlı rəqiblərini (4:2), yarımfinalda isə Türkiyəni (4:3) məğlubiyyətə uğradıb.
İdman.biz
