Binə Atçılıq Mərkəzində keçirilən çövkən üzrə dünya çempionatının finalçıları bəlli olub.
İdman.biz xəbər verir ki, Azərbaycan yığması həlledici oyuna vəsiqə qazanıb.
Millimiz qrup mərhələsini maksimum nəticə ilə başa vurub. Komandamız son turda Özbəkistanı 7:0 hesabı ilə məğlub edib. Çempionatın reqlamentinə görə, yığmamız digər qrupun qalibi Mərakeşlə qarşılaşacaq.
Qrup ikinciləri - Özbəkistan və Nigeriya isə bürünc uğrunda mübarizə aparacaqlar.
Qeyd edək ki, Azərbaycan yığması qrupun əvvəlki turlarında Qazaxıstan, Türkiyə və Maltanı məğlub edib.
İdman.biz
