Avropa Gimnastikası (EG) ilin sonuna qədər keçiriləcək əsas yarışların təqvimini təqdim edib.
İdman.biz xəbər verir ki, bu siyahıda Bakıda keçiriləcək “TeamGym” Avropa çempionatı da yer alıb.
Yarış oktyabrın 16-19-da baş tutacaq. Turnirdə on dörd ölkədən komanda iştirak etmək üçün müraciət edib.
Bakıya 498 idmançı gələcək. Onların arasında 268 böyük, 230 yeniyetmə var.
İlin sonuna qədər keçiriləcək əsas gimnastika turnirləri:
19-22 sentyabr. Pesaro (İtaliya). Akrobatika üzrə dünya çempionatı
22-27 sentyabr. Burqas (Bolqarıstan). "Qızıl əsr" gimnastika festivalı
27-29 sentyabr. Guimaraes (Portuqaliya). Aerobika üzrə dünya çempionatı
16-19 oktyabr. Bakı. “TeamGym” Avropa çempionatı
İdman.biz
