Federasiya prezidenti yığma ilə görüşüb - FOTO

Xəbərlər
14 Dekabr 2023 11:24
Federasiya prezidenti yığma ilə görüşüb - FOTO

AFFA-nın İcraiyyə Komitəsinin üzvü, Azərbaycan Futzal Federasiyasının prezidenti Zaur Axundov dünya çempionatının elit-raund mərhələsi çərçivəsində Rumıniya yığması ilə qarşılaşacaq Azərbaycan milli komandası ilə görüşüb.

İdman.biz xəbər verir ki, qurum rəhbəri futzalçılara qarşıdakı oyunlarda uğurlar arzulayıb.

Millinin baş məşqçisi Vitali Borisov hazırlıqla və oyunçuların durumu ilə bağlı federasiya rəhbərinə məlumat verib. Görüşdə AFF-nin vitse-prezidenti Elşən Abasov, İcraiyyə Komitəsinin üzvü Rövşən Mirzəyev də iştirak ediblər.

Qeyd edək ki, Azərbaycan – Rumıniya oyunu dekabrın 15-də, saat 20:00-da başlayacaq. Bakı İdman Sarayına təşkil olunacaq görüşə giriş sərbəstdir.

İdman.biz

Məqalədə: