"Mustafa əsas transfer hədəflərimizdən biri idi"
İdman.biz xəbər verir ki, bunu “Neftçi”nin baş məşqçisi Roman Qriqorçuk deyib.
Ukraynalı mütəxəssis komandanın yeni futbolçusu Mustafa Sekin transferinə münasibət bildirib: “Çox şadam ki, Mustafa Sek bizim oyunçu oldu. Biz onu çoxdan izləyirdik. O, “Neftçi”ni gücləndirə biləcək keyfiyyətli və təcrübəli futbolçudur. Mustafanın hazırda yaxşı formada olması da məni sevindirir. Buna görə də ümid edirəm ki, komandaya uyğunlaşmaq üçün çox zamana ehtiyacı olmayacaq”.
Qeyd edək ki, "Neftçi" ispaniyalı futbolçu ilə 3 illik müqavilə imzalayıb.
İdman.biz
