Almaniya yığmasınınn idman direktoru Rudi Föller Leon Qoretskaya məsləhət verib.
İdman.biz xəbər verir ki, o, futbolçunun "Bavariya"nı tərk etməli olduğunu deyib.
Föller fikrini onun ölkə yığmasına qayıtmaq arzusu ilə əsaslandırıb: "Əgər Leonun Almaniya yığmasına qayıtmaq məqsədi varsa, o, "Bavariya"nı tərk etməlidir. Düzdür, futbolçu qərarı özü verməlidir. Onun komanda ilə müqaviləsi var və daha çox meydana çıxmaq şansı qazanmalıdır".
Qeyd edək ki, Münhen klubunun əsas heyətinə düşə bilməyən Qoretskanın komandanı tərk etməsi gündəmə gəlib. O, "Bavariya"nın Almaniya kubokunun 1/32 final matçında heyətə cəlb olunmayıb.
İdman.biz
