“Böyük komandaya qarşı oynayacağıq”.
İdman.biz xəbər verir ki, bunu “Zirə”nin futbolçusu Ange Mutsizni deyib.
Ruandalı müdafiəçi Konfran Liqasının III təsnifat mərhələsində “Osiyek”lə keçiriləcək oyunu şərh edib: “Asan olmayacağını düşünürəm. Onlar öz meydanında oynayacaqlar. Buradan sərfəli nəticə ilə dönmək üçün əlimizdən gələnin ən yaxşısını etməyə çalışacağıq. Konkret rəqibin hər hansı futbolçusunu fərqləndirmək istəmirəm. Ümumilikdə, “Osiyek” çox yaxşı komandadır. Burada adaptasiya prosesini asanlıqla keçdiyim üçün baş məşqçiyə minnətdarlığımı bildirirəm. "Zirə"də olduğum üçün xoşbəxtəm”.
Qeyd edək ki, “Osiyek” – “Zirə” sabah 22:00-da start götürəcək.
İdman.biz
