Azərbaycan çempionatında pley-off oyunlarının tarixi açıqlanıb

Xəbərlər
20 May 2024 16:56
501
Azərbaycan çempionatında pley-off oyunlarının tarixi açıqlanıb

Azərbaycan çempionatının 2024/25 mövsümündə I və II Liqada çıxış etmək uğrunda pley-off oyunları keçiriləcək.

İdman.biz xəbər verir ki, bunu PFL-in mətbuat xidməti açıqlayıb.

Cari mövsüm I Liqada 9-cu yeri tutan klubla II Liqada 2-ci olan komanda qarşılaşacaq. Qalib komanda I Liqada oynamaq hüququ qazanacaq.

Cari mövsüm II Liqada 13-cü yeri tutan komanda ilə AFFA Region Liqasının finalçısı da pley-off matçlarında üz-üzə gələcəklər. Bu duelin qalibi II Liqada mübarizə aparacaq.

Bununla əlaqədar mayın 25-də saat 15:00-da AFFA-nın inzibati binasında (Peşəkar Futbol Liqasında) iddiaçı klubların təmsilçiləri ilə görüş keçiriləcək. Tədbirdə pley-off mərhələlərinin püşkü atılacaq, oyunların keçirilmə detalları müzakirə olunacaq.

I və II Liqa
İlk oyun: 28 may
Cavab oyunu: 04 iyun

II Liqa və region liqası
İlk oyun: 29 may
Cavab oyunu: 05 iyun

İdman.biz

Məqalədə: