İngiltərə Premyer Liqasında VAR-ın tətbiqi yenidən müzakirə olunacaq.
İdman.biz xəbər verir ki, buna səbəb “Vulverhempton”un videotəkrardan imtina ilə bağlı müraciət ünvanlamasıdır.
Premyer Liqa rəhbəliyi iyunun 6-da şikayətlə bağlı toplantı keçirəcək. Qaydalara görə, çempionatda iştirak edən 20 klubdan 14-ü lehinə səs verəcəyi təqdirdə VAR-dan imtina oluna bilər.
Qeyd edək ki, İngiltərə mətbuatı əksər klubların “Vulverhempton”un təklifinə qarşı olduğunu bildirib.
İdman.biz