Miodraq Bojoviç: “Qolları vaxtında vurduq”

Xəbərlər
28 Aprel 2024 20:37
68
Miodraq Bojoviç: “Qolları vaxtında vurduq”

"Oyuna yaxşı başladıq. Bilirdik ki, “Turan Tovuz”un çox yaxşı məşqçisi var və meydanda nə etmək istədiklərini bilirlər”.

İdman.biz xəbər verir ki, bunu Azərbaycan Premyer Liqasının XXXII turunda qələbə qazanan “Neftçi”nin baş məşqçisi Miodraq Bojoviç deyib.

Monteneqrolu mütəxəssis “Turan Tovuz” üzərində qazanılan 3:0 hesablı qələbəni şərh edib: “Bu komandanın hədiyyə olmadığını anlayırdıq. Onların öz oyun üslubu var. Təkbətək mübarizələrə çox girirlər. Bu mənada, Yuri Matias və Höccət Haqverdi çox yaxşı iş gördülər. Rəqib futbolçularla yaxşı mübarizə apardılar. Qolları vaxtında vurduq. Qırmızı vərəqədən sonra isə oyunu sona çatdırmaq asan idi. Futbolçulara bu istəyə və oyuna görə təşəkkür edirəm. Sevinirik, çünki azarkeşlər stadiona qayıdıb".

Qeyd edək ki, bu qələbədən sonra “Neftçi” 50 xalla 2-ci pilləyə yüksəlib.

İdman.biz