“Barselona”nın futbolçusu Rafinya tibbi müayinədən keçib.
İdman.Biz jurnalist Alfredo Martinezə istinadən xəbər verir ki, braziliyalı futbolçuda ciddi zədə aşkar edilməyib.
Rafinyanın La Liqanın səkkizinci turunda oktyabrın 10-da “Xetafe”yə qarşı keçiriləcək oyunda iştirak edə biləcəyi qeyd olunub.
Qeyd edək ki, Rafinya sentyabrın 29-da Braziliya və Avstraliya yığmaları arasında keçirilən yoldaşlıq görüşündə (2:4) zədələnib. Hücumçu sağ bud nahiyəsindəki narahatlıq səbəbindən fasilədə əvəzlənib.
Braziliya Futbol Konfederasiyasının yaydığı məlumata görə, müayinə zamanı Rafinyanın sağ budunun arxa hissəsində yüngül əzələ şişkinliyi aşkarlanıb.
