“Qalatasaray”ın şərəfini qoruyan Azərbaycan millisinin futbolçusu Nazlıcan Parlakın İdman.biz saytına müsahibəsi
- Zədədən demək olar ki, qayıtmısız. Hazırda özünüzü necə hiss edirsiniz?
- Komanda olaraq çətin səfər oyunundan 1 xalla ayrıldığımız üçün çox şadıq. Bu səbəbdən çox sevincliyəm. İlk dəfədir ki, B liqasında oynayırıq və bu, yaxşı başlanğıc idi.
- Yığma ilə birlikdə ilə hazırlıqlara başlamısınız?
- Bəli, hər zamanki kimi öz komandamın yanındayam və fərdi məşqlərimi davam etdirirəm.
- Əvvəlki formanıza qayıtmaq çox vaxt alacaq?
- Əməliyyatımdan 9 həftə keçib. Təbii ki, 100 faiz hazır deyiləm, amma ən qısa zamanda əvvəlki formama qayıdacam.
- AVRO-2025-in seçim mərhələsində B Liqasında ilk turda Macarıstanla heç-heçəni necə şərh edərdiz?
- Macarlar B liqasında mübarizə aparan və demək olar ki, A liqasına çıxmaq gücündə olan komandadır. İlk oyunda səfərdə 1 xal qazanmaq start üçün yaxşı nəticə idi.
- Sizcə, qələbə də qazanmaq olardı?
- Bu, bizim ilk təcrübəmiz idi. Qarşımızda A liqasının komandaları ilə yarışan bir rəqib var idi. Yer aldığımız qrupda isə hər bir komanda daha güclüdür. Amma biz hər zaman ən yaxşı nəticələr əldə etmək üçün mübarizəmizi davam etdirəcəyik.
- Milinin növbəti matçı bu gün İsveçrə yığmasına qarşı olacaq. Görüşdən gözləntiniz nədir?
- İsveçrə qrupun ən güclüsüdür. Həmişəki kimi çıxıb döyüşəcəyik. İnanırıq ki, öz üslubumuzda oynayıb, xal qazana bilərik.
Banuçiçək Hüseynli
İdman.biz